कोरोनामुक्त हुने दर ९६.४ प्रतिशत

काठमाडौँ, १७ असोज । नेपालमा कोरोना सङ्क्रमणमुक्त हुने दर ९६.४ प्रतिशत रहेको छ । शनिबार एक हजार १२३ सङ्क्रमणमुक्त भएका छन् । यससँगै नेपालमा सङ्क्रमणमुक्त हुनेको सङ्ख्या सात लाख ६७ हजार ८१९ पुगेको छ । शनिबार ८६७ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्कअनुसार आठ हजार २१९ जनामा कोरोना परीक्षण गर्दा सो सङ्ख्यामा सङ्क्रमण पुष्टि भएको हो । शनिबार थपिएकासँगै देशभर सक्रिय सङ्क्रमित १७ हजार ६४२ जना पुगेको छ । यस्तै सङ्क्रमणबाट शनिबार ९ जनाको मत्यु भएको छ । हालसम्म सङ्क्रमणबाट ११ हजार १५७ जनाको मृत्यु भइसकेको छ । हाल देशभर ३५० सघन उपचारकक्ष (आइसीयू), ११२ भेन्टिलेटर, १६ हजार ३७१ होम आइसोलेशन, एक हजार २७१ संस्थागत आइसोलेशन र २३९ जना क्वारेन्टिनमा रहेका छन् । शनिबार ८३ हजार ३७३ जनाले कोभिड–१९ विरुद्धको खोप लगाएका छन् । नेपालमा हालसम्मा सात लाख ९६ हजार ६१८ जनाको पिसिआर विधिबाट गरिएको परीक्षणमा पोजेटिभ देखिएको छ भने ९१ हजार ९२९ एन्टिजेन विधिमा कारेरोना देखिएको मन्त्रालयको तथ्याङ्कम उल्लेख छ ।

Leave a Reply

Your email address will not be published. Required fields are marked *