नेपालमा कोरोना सङ्क्रमणदर १९.३ प्रतिशत

काठमाडौँ, १७ साउन । नेपालमा कोरोना सङ्क्रमणदर १९.३ प्रतिशत रहेको छ । शनिबार तीन हजार १०६ जनामा सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले शनिबार सार्वजनिक गरेको तथ्याङ्कअनुसार १३ हजार ५१९ को परीक्षण गर्दा तीन हजार १०६ सङ्क्रमित थपिएको हो । शनिबार देखिएको सङ्क्रमित सङ्ख्यासहित कूल सङ्क्रमित सात लाख ५६ हजार ७३९ जना पुगेको छ ।
काठमाडौँ उपत्यकामा ७७५ जना सङ्क्रमित भएका छन् । काठमाडौँमा ५१७, भक्तपुरमा ९४ र ललितपुरमा १६४ जना नयाँ सङ्क्रमित पुष्टि भएको छ ।
यस्तै शनिबार एक हजार ९१६ जना पूर्ण स्वास्थ्यलाभ लिई घर फर्किएका छन । योसँगै स्वास्थ्यलाभ लिई घर फर्केनेको सङ्ख्या ६ लाख ५४ हजार १७७ पुगेका छन् ।
यसैगरी शनिबार सङ्क्रमणबाट २३ जनाको निधन भएको छ । शनिबार निधन भएकासँगै नौ हजार ८५७ जना पुगेका छन् । प्रति १० लाखमा ३३२.२ जनाको सङ्क्रमणका कारण निधन भएको छ ।
पाँच सयभन्दा बढी सङ्क्रमित भएका जिल्ला १२ पुगेका छन्् । मन्त्रालयका अनुसार ती मोरङ, सुनसरी, झापा, काठमाडौँ, भक्तपुर, ललितपुर, चितवन, मकवानपुर, नवलपरासी पूर्व, कास्की, रुपन्देही र सुर्खेत रहेका छन् । यस्तै २०० भन्दा बढी सङ्क्रमित भएका जिल्ला २१ पुगेका छन् ।
यसैगरी सघन उपचारकक्ष (आइसीयू)मा ७०६, भेन्टिलेटरमा १६६, होम आइसोलेशनमा २८ हजार २५४ र संस्थागत आइसोलेशनमा तीन हजार १०१ जना रहेका छन् ।

 

Leave a Reply

Your email address will not be published. Required fields are marked *